त्रिशला रो जायोडो, इण दुनिया में जादू कर गयो : प्रियंका गोलेच्छा

त्रिशला रो जायोडो, इण दुनिया में जादू कर गयो : प्रियंका गोलेच्छा

 

 

महावीर स्वामी का भजन 

 

त्रिशला रो जायोडो,

 

इण दुनिया में जादू कर गयो।

 

थारी बोला जय- जयकार,

 

भक्ता रो बेड़ो पार कियो।

 

 

1 - चैत्र सुदी तेरस ने,

 

     राजा सिद्धार्थ घर जायो। 

 

    कुंडलपुर में जन्म लियो है,

 

    नर नारी हर्षायो। 

 

    राजा रानी हो हां 

 

    राजा रानी रो राज दुलारो,

 

    इण दुनिया......

 

 

2 - होलो-2 जुले पालणो,

 

      मन मोही मुस्कावे । 

 

     माता गावे लोरी,

 

    फिर भी नींद नहीं आवे। 

 

     हिवड़ा रो हां

 

    हिवड़ा रो हालरियो। 

 

   इण दुनिया......

 

 

3 - डगमग-2 चाले आँगने,

 

     गुगरिया गमकावे ।

 

     पल में रुठे पल में माने,

 

    सबका हिया रिझावे ।

 

    दुनिया रो हां

 

    दुनिया रो तारणीयो। 

 

    इण दुनिया....

 

 

4 - तीस वर्ष री आयु में,

 

     वो निकल पड़ा था त्यागी। 

 

    राजपाट ने ठोकर मारी,

 

    कैसा था वैरागी। 

 

   अंहिसा रो हां

 

   अंहिसा रो पालणीयो,

 

   इण दुनिया....

 

 

5 - कड़ी साधना करी प्रभु ने,

 

     केवलज्ञान है पायो।

 

    चार तीर्थ ने थाप्या,

 

   प्रभुवर मुक्ति रो मार्ग बतायो।

 

   मोक्ष रो हां

 

   मोक्ष रो मार्ग बतावणियों,

 

   इण दुनिया.....

 

त्रिशला रो जायोडो....

 

 

 

 

 

 

प्रियंका गोलेच्छा बैंगलोर